購物狂：10Qs　Check你有冇病

你有冇試過買嘢買到失控嘅情況出現？係唔係每次見到靚嘅或鍾意嘅新貨時，會毫不考慮就拎錢或信用卡出嚟碌呢？如果係，你極有可能患上「購物狂」（Shopaholic）症狀。香港中文大學醫學院臨床心理學家郭碧珊說：「好多人都以為買嘢等於買希望，如買護膚品就等於買咗自己變靚啲嘅希望。更多人以為如果有錢購物就會開心啲。平日工作辛苦，購物嚟鼓勵自己都好應該。」經佢處理嘅個案中，曾有病人月入少於兩萬蚊，但因不停碌卡購物，結果負債七十萬。究竟點知自己是病態購物？

60分成狂？

1.翻開屋企個衣櫃，有無發覺有好多衫係從未見過，重有一種好陌生嘅感覺？
A.有　10分
B.無　0分

2.去到公司買嘢，好多時畀錢都唔順利，因為信用卡經常都會碌唔到？
A.係　10分
B.唔係　0分

3.會否經常都有買完嘢發呆或情緒低落，點食點瞓都無用嘅情形？
A.有　10分
B.無　0分
　
4.每逢過年過節，你總會覺得房間太細唔夠地方放新買嘅東西？
A.係　10分
B.唔係　0分

5.每次有病或唔開心，行街街shopping都會令你嘅煩悶一掃而空？
A.係　10分
B.唔係　0分

6.去到人多擠迫嘅商店，你總會情緒興奮，或失聲大笑？
A.係　10分
B.唔係　0分

7.購物完畢後，你個心會有種踏實感？
A.係　10分
B.唔係　0分

8.買嘢前你總會情不自禁攞個計算機出嚟㩒？
A.唔會　10分
B.會　0分

9.小時候，你常會同父母傾心事嗎？
A.會　10分
B.唔會　0分

10.經常怪責自己窮同唔夠錢使？
A.係　10分
B.唔係　0分

其他病徵

1.唔知道自己買咗幾多錢，連銀行戶口有幾多都唔清楚。
2.購物後，感到開心嘅時間很短暫。
3.花光積蓄購物，甚至要動用其他財產。
4.以信用卡簽帳後，只付最低還款額。
5.有五張或以上信用卡，但其中一兩張並未滿額，可供繼續簽卡。
6.花錢購物後，有剩餘嘅錢才繳交租金、電費等。

計分

60分或以上：你已成為購物狂一族成員，需要以購物過程取得快感。但往往都會在購物後感失落，令人激起另一次瘋狂購物。
30-50分：你雖然喜歡購物，但都算有節制，絕對唔會有碌爆卡嘅情形出現。
0-20分：你沒有甚麼購物慾，只會買需要嘅東西，而且精打細算。
（自我測試只供初步評估，不能代替專業診斷。如有任何疑問，請向專家查詢。）

解決四招

1.記錄每日花費同心情，看看是否心情差就會買得瘋狂。
2.設合理嘅購物預算，規定自己一個月只可用一筆數款買東西。
3.將自己買嘅新貨拍照、分類，放入相簿，自製catalogue，以清楚知道自己擁有甚麼。
4.唔用信用卡，以現金購物。

Shopping程式各不同

其實購物模式人人不同，有人見嘢就買，有人要格價格到盡，不過從不同嘅模式中都可以窺見每個人嘅性格。咁你買嘢時又係點嘅呢？
01．總是精打細算，朋友如要買平貨時也會搵你做顧問。
02．喜歡逛商店，對所有新產品都感興趣，但想買乜始終揸唔定主意。
03．憑直覺睇到鍾意嘅嘢就會毫不考慮地買回家。
04．有備而來，先訂好目標，才上街購買。

性格分析
01.保守型　唔重視生活質素

呢種人嘅優點係有自制能力，但對生活質素唔夠重視，不妨喺適當嘅時候放縱一下自己。

02.凝望型　斤斤計較

呢種人嘅優點係待人熱情，工作積極，對新鮮事物特別有興趣。但狹窄嘅心胸和斤斤計較嘅性格阻礙佢嘅發展。