農曆年傳統習俗派利是，港置唔例外，初四至初七，透過港置參觀大角嘴君滙港，有利是𢭃，而且係現金，唔係搵笨嘅優惠禮券。睇完樓、有錢落袋，啲客肯定睇得開心。
市場人士話，新地君滙港，農曆年後出擊，示範單位及售樓處，大年初四開放。
另外，中原林偉文話，佢哋與荔枝角昇悅居商場合辦送揮春，年二十九開始，向區內居民派發，周末假期，請到書法大師，即場寫揮春，又舉辦兒童書法比賽。
年初四起，經中原參觀長沙灣四小龍屋苑，可免費泊車。中原歐陽振邦，噚日帶同千金，表演寫揮春，重視社區關係之餘，和諧嘅家庭氣氛不言而喻。
電郵地址：[email protected]