杜汶澤憑電影《伊莎貝拉》角逐柏林影展的最佳男主角，阿澤昨日在商台主持節目《在晴朗的一天出發》時，笑言將穿上結婚時的「踢死兔」，並與太太田蕊妮一同出席。阿澤又表示不抱太大期望，他說：「我諗今次都『抆』啲，因為好似柏林獎項喺中國人世界比較難攞到。」
追問羅蘭情史
阿澤又煩惱該在頒獎禮講甚麼語言，他說：「我噚晚（前晚）喺度諗，點解要講英文呢？但係禮貌上你識又冇理由唔講，但係我覺得唔應該講英文，一個日本演員、印度演員，佢哋都有繙譯，點解中國人要識講英文？我覺得好奇怪。」
此外，阿澤日前與羅蘭一同主持有線足球台節目，但在拍攝期間阿澤卻一直追問羅蘭姐的情史。
撰文：羅慧敏