做打工仔嘅，有乜嘢好得過升職加薪福利好兼老闆好，八方最近聽到一則好消息，利豐集團今年為慶祝一百周年，會喺二月二十二日，由大老闆馮國經帶隊，同集團一萬二千名員工同埋家屬齊齊玩轉迪士尼。
聽聞佢哋每名員工重可以邀請兩名親友一齊嚟，計起上嚟咪有成三萬六千人！成個迪士尼都裝唔落喎。不過當日係星期三，估計好多做前線嘅員工都未必可以參加。點都好啦，利豐今次一定係大客，迪士尼早喺個多月前已經唔接受嗰日嘅網上訂票。
迪士尼話，當日唔係利豐包咗個場而唔接受訂票，只不過預咗有好多人，佢重提醒市民，若計劃二月二十二日入去玩，最好早啲入場，當日極可能又再爆滿。
傳真︰2623-9278
電郵︰[email protected]