Kelly
就到新年，一定會買水仙，應節之餘好喜歡其花香嘅味道。揀水仙時，可用手輕壓花頭兩側，有彈力的地方即有花芽。另外，大家記住水仙全株毒性頗高，要避免讓小朋友接觸呀。
Phaya民族服老闆Mandy
過年就梗係要買新衫啦，首先會喺自己舖頭嘅新貨入面揀選民族服飾。消閒方面會去睇《最愛女人購物狂》，難得新年放幾日假，都想睇番啲輕鬆搞笑，又唔使點用腦嘅戲，畀自己笑吓開心吓。
藝術系學生Flora
最近租咗一個300呎嘅地方做創作嘅Studio，下個星期就要開始添置家品。已經睇中咗宜家傢俬嘅書櫃、枱燈及裝飾品，鍾意宜家因為價錢夠大眾化，設計方面簡潔有線條得嚟又好實用。
JCshop店員Alan
要買eyefish，係日本最新到香港嘅小玩意，只要放喺手提電話或者MP3等會發出電波嘅用品隔籬，佢就會閃吓閃吓，好得意。
