肥龍噚日出席社聯一個論壇，講官商民三方合作搞社會福利。肥龍同商界一直關係良好，批評啲人成日將官商合作當做官商勾結，將資源共享變做利益輸送，咁樣講係好難令官商民三方衷誠合作。要搞好社會福利，點都要大家一齊做，唔好咁有敵意，咁先可以建立和諧社會喎。
貧富懸殊、官商勾結呢啲都係香港深層次矛盾，領導人講到要解決矛盾，肥龍梗係肉緊啦。
社聯主席陳智思就話，政府同地產商勾結呢個問題，其實同市民都有關，市民唔想交稅，結果搞到政府要靠賣地收入，於是政府唔敢鋤冧地產，又要倚賴地產商，咁就畀人話係官商勾結囉，呢個深層次矛盾真係冇得解決。
傳真︰2623-9278
電郵︰[email protected]