華華唔係狂熱環保分子，但睇見啲磚頭咁厚嘅招股書，登幾十頁嘅招股公告，都覺得好浪費。卒之有有心人出手，就係恒生銀行。 恒生話，如果有一個股東肯用e-mail收年報，唔要hardcopy，佢哋就種一棵樹！如果你唔係股東係e-banking客戶，肯在網上收月結單，每十個客佢哋又種一棵樹！ 真係功德無量。恒生大班柯清輝話，會不斷同客戶一齊保護環境，減少浪費天然資源。自去年二月有電子月結單服務後，迄今已有七萬客用，每年慳番二百六十萬張紙。希望有更多人唔要年報、唔要月結單，咁個地球一定更健康。