喺日本大阪嘅環球影城入面，花生漫畫嘅人物個個換新裝，佢哋穿上亞洲各國傳統服飾，同各位亞洲旅客拜個早年。日本政府資助一個名為「探訪日本」嘅旅遊活動。○五年到訪日本嘅外國旅客上升百分之九點七，達六百七十三萬人次，而呢個活動就係希望喺二○一○年，每年到日本嘅旅客可以增加一倍到一千萬人次。