代理周年晚宴鬥一番，周三由利嘉閣掀序幕，當晚一眾區董，着住海陸空三軍制服，以步操形式出場，似模似樣（圖二）。當晚筵開百六席。 戲肉肯定係嘉賓周麗淇（圖一），伊人同在場人士大玩抽獎遊戲，中獎可以攞到佢嘅CD，聽講玩咗好耐，可知佢幾受歡迎。 全場大獎係現金四萬，分分鐘多過做成一單買賣嘅佣金。睇完利嘉閣高層嘅出場陣容，其他代理有乜部署呢？
