家住青衣邨的港姐季軍林莉，雖然經常扮到彩雀般在公共屋邨出入，但她指街坊友善，又難捨阿媽煲的老火靚湯，故選擇留在六百八十呎公屋單位，享受家庭溫暖。
應屆港姐季軍林莉去年當選後飛上枝頭變鳳凰，但其生活依舊平民，雖然平日經常因出席宣傳活動而扮得靚靚，但她未有打算搬離目前居住的青衣邨六百八十呎公屋單位。
難捨慈母靚湯
日前身穿粉紅色連身裙及短身外套的林莉，乘坐無綫專車由司機接送返抵青衣邨，她落車時還輕撥長髮，臉掛笑意向司機揮手道別後，逕自上樓返家。
林莉家住青衣，與無綫位於將軍澳的電視廣播城相隔頗遠路程，前晚問她何不考慮搬離家獨居時，她在電話中說：「真係幾遠，都試過好早起身開工，連地鐵都未開，又驚趕唔切，要坐的士返公司，百五蚊車費一定走唔甩，但我諗過啦，一星期可能得一、兩日係咁，又慣咗同屋企人一齊住，覺得都唔係好需要搬開。」另一個讓林莉捨不得搬的原因，則是其母的老火湯，她笑說：「唔捨得阿媽煲嘅湯，我始終火候未夠。」她又表示從未受過街坊和fans滋擾。
住公屋坐公車，足以證明林莉不是大花筒，她笑道：「每個女仔都鍾意買嘢嘅，以前唔使扮靚，𠵱家就要，有需要就買，但我都好少shopping。」
採訪：朱倬誼 攝影：娛樂突發組
