張茜最近完成拍攝電影《犀照》，首次躍大銀幕的她表示十分緊張，戲中她飾演一個精神失常的太太，要靠眼神傳達多重信息，十分考演技。
內地演員張茜最為香港觀眾熟識的莫過於跟男友張衞健的情侶關係。早前張茜接拍電影《犀照》，在戲中飾演馮德倫太太，最後卻精神有問題。
更重健康
張茜自言是次演出是入行以來最大的挑戰，她說：「因為戲中後期好多只係用眼神嚟做戲，一個鏡頭可能要用眼神表現出三種唔同嘅情緒，對我嚟講真係大挑戰，我為咗演好其中一場戲，試過一個眼神練足四十幾次，目的只係盡力去話畀人聽我係用心去演嘅。」
張茜去年忙於努力拍攝劇集及電影，她只希望用行動證明自己的實力，但她新一年願望反而在健康上，她說：「因為上年醫生話我個胃生咗粒息肉瘤，所以我𠵱家開始注意飲食。雖然工作緊要，但我覺得一定要保持健康嘅身體，先有本錢繼續去奮鬥。」
未想論嫁
問張茜可有考慮嫁給張衞健，她說：「結婚呢個問題我向來都好順其自然，目前我重好享受去做一位演員，雖然我唔介意每次啲人問我同張衞健嘅感情問題，但我唔想成日將私人嘢同工作拉埋一齊講。即使將來結咗婚，我都會工作至上。」
採訪：王崇穎 攝影：陳慧安 場地：RockCafe
髮型：Billychoi&BibeHar 服裝：www.izzue.com
化妝：MarshaMa@A&VMadeupSchool
