香港電影再勇闖國際，杜汶澤當男主角兼任監製的電影《伊莎貝拉》，入選柏林影展的競賽部份，競逐最佳電影及最佳男主角等獎項。阿澤昨日仍未相信入圍的事實，他高興地說：「我諗要等出報紙時睇到先敢相信。」
下月九日至十九日在德國舉行的第五十六屆柏林影展，昨日公布入選競賽部份的電影名單，杜汶澤擔任監製兼男主角、彭浩翔執導的電影《伊莎貝拉》，將會角逐最高榮譽金熊獎及柏林影帝等殊榮。而由《異形》（Alien）女星薛歌妮韋花（SigourneyWeaver）主演的新片《SnowCake》，除了入選競賽部門外，亦成為影展開幕電影。
構思超過十年
其他參加競賽的影片，包括由《幕後玩家》（ThePlayer）導演羅拔艾特曼（RobertAltman）執導、影后梅麗史翠普（MerylStreep）參演的新作《APrairieHomeCompanion》、法國老牌導演查布洛（ClaudeChabrol）的新片《ComedyofPower》以及劉德華有份投資的泰國片《InvisibleWaves》等，《伊》片面對一眾強敵，能否突圍就要待下月才有分曉。
杜汶澤昨日接受電話訪問時難掩喜悅之情，他笑說：「同彭浩翔識咗十幾年，呢個故事係我哋共同夢想，估唔到事隔十幾年可以開拍到呢部戲，非常開心。之前一直冇人肯投資，因為佢唔係一部喜劇兼且要搵我做男主角，不過當林生（林建岳）投資時，都有好多人勸佢，話太冒險，但最終佢都決定投資，真係好感動。」
拍攝環境惡劣
阿澤又憶述拍《伊》片的辛酸，他說：「喺澳門拍攝時環境好惡劣，開工時間好長，但真係冇諗過第一次做男主角可以提名最佳男主角，更加冇諗過喺柏林提名，所以到呢分鐘都唔敢相信，我諗要等聽日出報紙時睇到先敢相信。」有份演出的梁洛施亦開心地說：「好開心，今次好畀心機拍呢套戲，有提名好高興，但冇期望得獎。」
採訪：張止寒、張一明