日股反彈，港股亦借勢彈高189點或1.22%，收15670。升得最凌厲的仍是H股，H股指數升2.71%至6103，跑贏大市，主要是因為中石化（386）被雷曼調高目價至5元，股價大升逾4%至4.375元。
濰柴（2338）證實尚未收到大股東兼大客戶重汽的1月份定單，而濰柴向重汽收購杭汽一事亦無進展，處處都顯示濰柴與重汽關係破裂。高盛與大摩分別調降濰柴目標價至10.50元及10元。
濰柴低位有承接
濰柴昨日復牌後，股價走勢猶如過山車，一開市就跌至11.65元，但如果夠膽入市撈底，則有機會在13.35元高位出貨獲利，最多可執約15%，濰柴全日收報12.95元，僅跌1.9%。
黑客話同芬佬傾過，最近熱錢流入港股，主要追捧中資股，濰柴亦是受追捧之列，主要係芬佬睇好內地汽車市場。
濰柴今次失去大股東重汽的支持，焉知非福？其實有關問題已困擾濰柴一段長時間，令其股價大落後。濰柴雖失去重汽定單，並不代表搵唔到其他大客戶填補，所以只要股價跌得夠殘，自然會有追落後的資金買入。
大摩新的濰柴06年每股盈利預測為1.06元人民幣（1.02港元），07年則為1.14元人民幣（1.09港元），以昨日收市價12.95元計，06及07年預測PE分別為12.7倍及11.88倍。
中芯不宜睇太淡
另外，Cookie話值得追落後的還有中芯（981）。據聞去年第4季業績以及今年首季業績可能有驚喜。此股一向有中資捧場，噚日收1.17元，高於1元不多，仍屬細價股，正合中資的胃口。加上中芯始終是內地大型晶片製造商，受到環球科技基金重視，不宜睇得太淡。
阿虎