郭可盈和林文龍日前到了上海度假，二人抽空於黃浦外灘漫步，共度浪漫時刻。兩夫婦享受甜蜜時刻之餘，更不忘為環保出錢出力，捐出二十萬支持水質環保研究。
郭可盈和林文龍最近到上海公幹，兩人順道抽空多留兩天觀光，吃喝玩樂一番，兩夫婦最後都滿載而歸。
讚美景不變
可盈表示十年前與張智霖合作拍攝劇集《黃浦傾情》時在黃浦外灘取景，事隔十年，其間雖曾到上海工作，但每次都來去匆匆，這次終於可以和老公抽時間遊玩。二人更跑到黃浦外灘欣賞夜景，乘機浪漫一番。可盈說：「上海畀我嘅感覺好繁華，黃浦外灘冇變，唯一改變係佢多咗好多名店進駐，好似法國香榭麗舍大道一樣，好靚。」
可盈和文龍大讚上海多美食，她說：「朋友一早畀咗好多老字號食肆嘅資料我哋，文龍因為擔心訂唔到位，佢好細心一早喺香港就做晒booking，所以我哋每日就忙於去食好嘢。」
抽空為公益
對於去年松花江食水遭污染，可盈和文龍對此亦十分關注，二人一致認為環保概念要由食水做起，所以當獲悉鄭明明的丈夫在內地有一個環保水質組織，他們即捐了二十萬給該組織，用作水質環保研究。可盈說：「舊年我同文龍工作都好忙，一直有心社會公益，但就冇時間去身體力行，今年暫時工作鬆動啲，我哋想抽多啲時間去參加公益活動，可以出錢就出錢，出力就出力。」
採訪：比華利
