中原（中國）董事總經理黎明楷話，截至去年底，佢哋喺內地二十三個城市，租用地舖及寫字樓單位，逾四百六十個，員工超過八千。 舊年促成十一萬單成交，比○四年增加兩成四，二手佔六成。生意額近九億一，多三成一，量值都比香港好。 黎明楷話，內地樓市今年仍受宏調影響，但經過九個月，中原摸索出增加生意嘅方法，今年應可增逾一成，達到十三億。