九龍倉大老闆吳光正揸住Joyce同埋連卡佛係人都知，但佢家族其實重有唔少「名牌」，拍得住有「名牌潘」之稱的潘迪生！噚日九倉出咗張通告，公布一項持續關連交易，係講九倉旗下海港城海港中心裏面嗰間飛甩雞毛（Ferragamo）大舖搬細舖。咁點解係關連交易？原來揸住香港飛甩雞毛嘅股東係吳光正嘅「若干近親」，控有40%股權。
華華查吓資料，發現有不少內地文章話，吳光正家族透過3間公司，在港經營高檔零售生意，包括連卡佛、Joyce同埋俊思集團。而俊思集團正正係飛甩雞毛、Guess等名牌喺香港同埋內地嘅代理。
咁究竟吳光正邊個近親揸飛甩雞毛呢？唔通係𠵱家打骰睇連卡佛嘅愛女珍妮花？