今日肥平好孝順，專登同老媽子去聖安娜買賀年食品，畀錢嗰陣個收銀姐姐塞咗張嘢畀我，以為又係啲咩西餅優惠券啦，哈，竟然係張YogaPlus健康瘦身瑜伽課堂試用券，重話價值$250㖭，送埋啲咁嘅騎呢優惠畀我，真係估佢唔到！不過都好嘅，肥婆四擦完新春美食梗會肥幾両肉，呢張嘢可能會激發到佢嘅KeepFit小宇宙，有着數又唔怕試呀。查詢：28730832肥平：乜都放入口，最叻搵平嘢食，搞到肚腩大過佢個頭。
