容祖兒昨天到港台接受訪問，對於經理人霍汶希（Mani）到美國進修三個月，日前大夥兒到澳門舉行歡送會，祖兒卻因弄錯集合時間而遲到，祖兒說：「最初我以為係七點幾先集合，原來係七點到澳門。我一仆一碌去到酒店時，佢哋都差唔多食完。」
多謝疼錫
祖兒表示很不捨得經理人，她說：「一路以來都習慣咗訪問時Mani喺我隔籬提點我，又或者半夜大家傾電話。佢怕凍，唔知佢去到嗰邊會唔會唔適應，但我未必有時間過去探佢喇！」
對於老友李克勤結婚，祖兒也替對方高興，她說：「呢一年來我同克勤關係buildup得好好，佢一直好支持我，好錫我，如果有機會我會參加佢婚禮。」記者問她可會做伴娘，祖兒說：「咁就要睇新娘會唔會搵我，有份戥佢哋高興都好好喇！」
採訪、攝影：王連連