古天樂及余文樂等人前晚往灣仔會展領取十大時尚之星獎項，古天樂指自己已有年多沒出街購物，現在沉迷在網上購物或競投心愛物品，除了衣服，家具和玩具都是他的目標，他指用此方法購物花費更大，但認為這樣更有趣。
古天樂、余文樂、胡兵、葛民輝、Rosemary、楊崢、內地名模謝東娜和張玉珊等前晚往灣仔會展領取十大時尚之星獎項，而林志玲和陳冠希則缺席由他人代領，同場有徐子淇、梁洛施、陳文媛及李彩華等青春藝人行catwalk。
拍戲BB大整蠱
一身DSquared牛仔服出現的古仔，表示自己花在服裝上的金錢不算多，並非購物狂，他說：「我已經有年幾冇出過街買衫，你有冇見狗仔隊影過我去買衫？因為我近年鍾意喺網上競投同埋購物，一對腳點會行得晒全世界，網上購物嘅好處係唔再局限睇雜誌。我除咗喺網上買衫外，家具同絕版玩具都係我嘅目標。」
古仔並透露現正忙於拍攝電影《BB計劃》，他笑指壓力很大，而壓力更是來自BB，他說：「全世界standby都係因為佢哋，喺廠唔可以大聲行、大聲講嘢，一roll機啲BB就喊，停機佢哋又唔喊，都幾大整蠱。」
另外，熱愛時裝的余文樂前晚穿上CommedesGarcons服裝出席，他承認置裝費不輕，一年會花六位數字，而且只穿一次覺得很浪費，故他會將服裝轉贈朋友。
一封利是數千元
新年將至，余文樂表示近年有習慣派利是給工作夥伴，他說：「每個人我都會派幾千蚊，好大支出嚟㗎。」
採訪：DebbieLum
攝影：ChanChiLam
