錢都花在美食上……
地道馬拉人導遊Jenna說，馬拉人無特別嗜好，着衫唔講究，又唔愛追名牌手袋款，買車買樓又唔貴，惟有食就最捨得！喺馬來西亞搵「食」，確實一點兒都沒有難度，而且想食乜都有，地道馬拉菜、越南小廚、印度烤餅，就連歎杯港式奶茶都絕對無問題！
即做印度烤餅夠風味
馬來西亞社會裏面雖然是華人所佔的比例較大，但是華人跟馬拉、印度人的關係都非常好。很多人都會走去幫襯印度烤餅！即叫即烤，單是睇佢揉粉都將塊薄皮係咁「Fing」已經值回票價啦！再加埋師傅身上的一陣印度除，我諗真係唔使去到印度先食到呢種獨特「風味」囉！
由馬來早餐開始肉骨茶鴛鴦
我來馬來西亞其中一個好主要的原因就是為了食肉骨茶！我鍾意佢陣濃郁的藥材味，有當歸杞子喎，夠晒滋補嘛，再加埋油炸鬼「索」晒濃湯，香口得嚟唔肥膩。而馬拉的華人更連白飯當早餐食呢。話說早年華人移民大馬後，大多是從事勞動工作，特別重視早餐，所以就諗到用一些可以補血氣、提神的材料，創製出肉骨茶這道又飽肚又有食療的新菜式。之後Jenna帶我去食鴛鴦飲奶茶，對呀，大馬的鴛鴦是用來食的！其實就是麵包夾「架吔」同煉奶，重可以揀蒸的或者烘的，味道好得意，有點兒似香港的多士，加埋一杯熱奶茶認真滿足滿足。
潮州漢要「撈起」
話說最初來到馬來西亞的都是被「賣豬仔」的潮州「自己人」同福建人，所以來到吉隆坡，最常聽到的不是馬拉文，而是潮州同福建話。潮州人來到這裏多數都會從事飲食，為了迎合大馬龐大的華人市場，他們想了一些好意頭的賀年菜，就如七彩魚生，用上沙田柚、芋頭絲、果皮、甘笋蘿蔔絲、青瓜、花生、酸甜醬等材料，然後撈成一碟，有「撈起撈起，撈到風生水起」的意思。
好比鴨王
地址：1,JalanPJS8/5,DataranMentari,46150Petalingjaya,Saleangor
電話：（60）3-56373378
半夜三更鍾意食燒雞翼
Jenna話馬拉人好鍾意食街邊檔，因為開得夠夜，就算凌晨三點幾肚仔餓行落街都必定搵到食，於是她帶我去阿羅美食街。嘩，都未行到街頭就已經聞到香噴噴，即刻衝埋去望吓，睇見師傅拿住一串串雞翼車輪轉係咁燒，話咁快就變成黃金色的脆皮啦。師傅控制火力剛剛好，雞翼燒起皮脆肉嫩，塗埋蜜糖，哎吔！燒雞翼，我真的自細鍾意食！老闆重介紹我襯番杯地道青檸金桔水又夠晒清潤下火，食多幾隻都唔怕生飛滋！
阿羅美食街––黃亞華燒雞翼小食店
地址：JalanAlor,50200KualaLumpur
混血越南餐
老闆是馬來西亞人，在越南住上超過二十年，又到過德國學廚，煮出來的越南餐，到底偏向哪個國家的口味呢？答案是連師傅Eddie都唔知道！我就覺得是混血兒，因為馬來西亞的口味本身就混合多國飲食習慣，加上Eddie吸收過幾種不同的飲食文化，我只能說，味道很好，但哪個國家的都不像！好像那隻香茅燒雞，香茅和其他香料都釀到雞皮內然後燒烤，吃起來非常入味，比越南的更香更濃，似乎就是馬來西亞人慣用香料的傳統。
西貢越南村茶餐廳
地址：No.45,JalanBarat,OffJalanImbi,55100KL
電話：（60）3-21416296
