港股噚日繼續受日股影響而下跌，但傳咗好耐話要浮番上招股價的南粵物流（3399），竟然在跌市中發力，升8.59％，收3.475元，浮回水面，成交股數2032萬股，金額6892萬元。
南粵物流今次重返家鄉，據講係多得有關人等努力推廣，同埋中石化（386）對佢愛護有加之故。不過，經紀黃話南粵畢竟有番咁上下size，剛剛浮上水面，可能會有蟹貨伺機甩身，造成沽壓，暫難大升。
中民開車合時
另外，大陸彩票概念股華彩（8161）完成配股，復牌，股價一度低見3.575元，但好快掉頭回升，收報4元，升5.26％。經紀陳話，近排成交上升的中民燃氣（681）亦受刺激，急升9.88％，收0.445元，成交股數6001萬股，金額2587萬元。
經紀陳話，中民燃氣喺去年年尾投資一項大陸彩票業務，地點喺海南，呢排彩票股當炒，中民開車亦屬合時。
慕容小初