溱喬重視收樓服務

溱喬重視收樓服務

近排新盤排住隊入伙,唔少發展商忙於搞交樓工作。除咗新地荃灣爵悅庭、恒基西灣河嘉亨灣,同埋盈大貝沙灣南灣外,永泰舊年開賣嘅西貢新盤溱喬,亦喺上個禮拜開始交樓。
永泰方面話,賣出嘅二十幢洋房,買家農曆新年前收樓,而三十五屋就率先交樓。永泰業務拓展部營業董事鍾志霖話,集團設專責收樓客戶服務大使,每間屋安排專員,一對一處理收樓,希望做到零瑕疵。永泰又會向業主送上福臨門酒家到會服務,作為入伙大禮。