梁家輝（左二）早前因醉酒駕駛罪名成立，一直未有回應呢件事嘅家輝噚日就接受商台嘅電話訪問，問佢會唔會戒酒，家輝話：「我又唔係酒徒，點解要戒酒？」家輝又話自己罪有應得，佢話：「自己犯咗呢個香港法例，係應該接受裁判嘅，無論嗰件事係點發生都好，挨年近晚，喺呢度警告下有飲酒揸車嘅司機，千祈唔好醉酒揸車，祝大家新年進步。」