搞笑能手鄭中基在賀歲電影《春田花花同學會》中一人分飾三角，分別以李雲迪造型、大肚腩老闆以及頭髮亂七八糟的市場部職員亮相。
吹圓號有板有眼
鄭中基表示拍此戲好玩之極，但因造型獨特，每個角色均有難言之苦，他說：「今次扮嘅巿場部職員成日行路都垂頭喪氣，好似駝背咁，我行斜路時都要咁樣，搞到我腰痠背痛。而李雲迪嘅造型要箍牙，平時我拍嘢都好鍾意講笑，但係箍牙之後，笑得好唔自在。扮大肚腩老闆就好麻煩，要用三個鐘頭化妝。」
片中鄭中基與葉詠詩率領的六十四名香港小交響樂團成員一起拍攝，他笑說：「由於我係小交響樂團成員，片中我需要吹圓號。」連葉詠詩都讚鄭中基雖然是較誇張的演繹，但吹得有板有眼。
撰文：蔡丹