投資者黃海明拆售旺角東京銀座，搵美聯做代理。為咗提高曝光率，美聯搵藝人撐場，除咗吸引到普通人，估唔到連藝人都心動。 黃海明話，影帝吳鎮宇，噚日簽署「內部認購意向書」，預留近扶手電梯一樓舖，百二呎，作價二百幾萬。黃海明話，吳鎮宇幾日前參觀，噚日扑槌。聽講，未定自用定收租。 美聯黃子華話，今個禮拜四，開「東京銀座誓師大會」，本周內公開發售。