內地電影《俏黃蓉2006》噚日喺肇慶舉行新聞發布會，記者會原定喺下晝四點幾開始，但因為女主角鍾麗緹（Christy）遲大到，結果搞到成六點幾先可以開始，足足遲成個幾鐘頭，認真大牌。
最緊要健康
另外，宮雪花都有份參演部戲，佢老友毛玉萍日前被判刑三年半，宮雪花同毛玉萍個仔都有去法庭聽審，但花姨就覺得判刑太重，就算有成龍嘅求情信都冇用，至於會唔會上訴都重係一個未知數，因為律師費同排期都係一個問題，不過佢認為毛玉萍要保重身體，因為三年半後出番嚟又可以重新嚟過。
姍姍來遲嘅鍾麗緹嚟到就解釋自己唔係遲到，佢話：「我啱啱重拍緊戲，即刻趕過嚟。」早前傳佢北京屋企發生氣體爆炸，佢話咁多人為佢擔心，佢都要同大家道歉。
