中港合作厲行配額制<br>向太:趕港產片入絕路

中港合作厲行配額制
向太:趕港產片入絕路

國家廣播電影電視總局今年開始嚴格執行香港和內地合拍電影的條例,百分百港產片在內地上映無望,對港片來說是雪上加霜。圈中人對事件反應頗大,中國星老闆娘向太表示這些條例將港片趕去絕路。

據知國家廣播電影電視總局最近有新指示,就是今年一月開始,嚴格執行以往已定下的香港和內地合拍電影條例,若電影要在內地上映,必須跟內地影廠合作,幕前和幕後三分一人員必須是內地配額,內地演員還要演繹內地人物,題材更須與內地有關。

阿澤:咁大鑊

中國星老闆娘向華強太太陳嵐昨日在電話中說:「如果真係嚴過以前,即係唔當我哋係自己人,要將港片趕去絕路,到時電影界唔去遊行抗爭都唔得,我哋片商成立嘅商會下次開會一定會傾呢件事。」
美亞電影公司發言人唐慶枝亦收到合拍條例要收緊的消息,他說:「以後公司拍戲嘅方針可能有變動,某類型影片可能要放棄內地市場,啱合拍先會同內地影廠合作,以後開戲好難兩邊討好。」
而星皓電影公司老闆王海峰則認為影響不大,他說:「近年好多港片同內地合作都會用內地演員或導演,星皓以後會拍純香港市場嘅戲,亦會拍合拍片。」
杜汶澤近日正籌備由他監製的第二套戲,對此他說:「我唔知有咁嘅事,如果係咁就大鑊,因為套戲基本上冇內地角色,咁真係好困難。喺生意角度嚟講,梗係想盡量配合啦,但我好懷念以前嘅港產片囉,好似《情義我心知》咁,到目前為止都有九百萬票房,證明拍得好嘅話,觀眾都會支持港片嘅。」

令角色有局限

至於香港導演會永遠榮譽會長張同祖說:「要內地演員演番內地角色,會令角色上有好大局限。」香港電影金像獎主席文雋則說:「係咪過份嚴厲咗呢?」
採訪:蔡丹

《墨攻》乃中港合作電影,華仔做男主角,女主角是內地演員范冰冰(左)。 資料圖片

陳道明(右)在《無間道III終極無間》中演內地公安,符合內地演員演內地角色條件。圖左為曾志偉。 劇照