今個星期不但工作忙碌，重要忙住閱讀最新的外國汽車雜誌，皆因新年特別號的《AutoEXPRESS》簡直嚇到我呆晒，因為兒時最愛兼早已停產的林寶堅尼Miura經典跑車重現世上，還有全新標致207的消息及萬事得MX-5跟寶馬Z4大對決，看來今個星期一定看不完。
記者：鄭達基
抵買指數：★★★☆☆
Miura重現惹喝采
我這位老人家甫收到書，當然先打開內頁看看關於林寶堅尼Miura重生的內容。相片中看到在2007年推出的新車，不論線條或頭燈，驟眼看過去是由舊車Copy出來，好有ClassicFeel，車廂重會用埋Fit到震的跑車桶椅，還有那台預計有700匹馬力輸出的V12偈，真係乜都贏晒，不過呢部車唔係一般人買得起，得個睇字。
彎路王後繼人207
一向有彎路之王稱號的標致206，眨吓眼都推出了五、六年時間，係時候退隱江湖，所以廠方特別安排後繼人207在明年中現身，屆時會有齊雙門版、旅行版和開篷版，賣相比206型得多，引擎選擇更會有一台全新的1.6公升偈，表現比現有更強。後半部則是常見的大對決，今次的主角是萬事得MX-5和寶馬Z4，編輯們給予MX-5的評價跟Z4相近，故此前者僅稍勝對手而已。