中國國旗有洋紫荊？香港係屬於香港仔嘅？祖國係咪即係泰國同美國呢？以上嘅提問都好妙想天開，但絕對唔係老作，係一班細蚊仔嘅國情「常識」。
世界幼兒教育聯會香港分會早前訪問咗三百個五至六歲細路仔，結果有成四成小朋友唔識形容中國國旗外貌，甚至有人以為國旗上有洋紫荊花。
有三成小朋友則以為好鬼洋化嘅萬聖節、復活節同聖誕節都係中國節日；最經典梗係有小朋友話，唔知香港屬於乜嘢國家，相信負責推動國民教育嘅香灼璣，聽到真係會嘔血。
小朋友係社會未來棟樑，佢哋啲國情知識又點可以咁薄弱？所以世界幼兒教育聯會就特別搞咗個為期一年嘅幼兒國情教育計劃，邀請二百間幼兒學校參加，資助呢啲學校添置國旗同升旗台等，又會挑選六百個幼師進行相關培訓，實行開大馬力推動國情教育。
爆料熱線：29290000、27860099
報料傳真：26239278
報料電郵：[email protected]