陳慧琳（Kelly）前晚得亞太區最受歡迎女歌星大獎時興奮落淚，志偉指她不是首次得獎仍激動，Kelly瞪大眼說：「愈嚟愈難攞呀呢個獎，你明唔明呀？」此話引起眾歌手和議。
Kelly在慶功宴上被問到可會努力奪回最受歡迎女歌星大獎，她竟說：「唉，努力都冇用啦。」Kelly似自覺說錯話即解釋道：「我意思係時間好難分配，我成日喺內地做嘢，兼顧唔到幾個市場，今年又要返內地拍戲，好彩係喺香港上映，暑假出一張碟囉。」
周麗淇黑面缺席
本來Kelly主唱的《希望》是金曲金獎大熱，最後輸給鄭中基的《無賴》，她謂：「我唔失落，五個大獎攞咗一個，唔通想擸多人一個咩，我唔貪心，冇期待過。我年年都得兩個獎，今年有三個進步咗，我攞廣告歌時都估到啦。」
此外，無綫寵兒周麗淇前晚女新人獎三甲不入，其歌迷拉隊離場，她更即場黑面又缺席慶功，看來對賽果甚不滿，其唱片公司高層林珊珊表示周麗淇早有心理準備沒獎，她解釋：「佢發燒一百零三度，去咗睇醫生，中途已經話好唔舒服，發燒都迫人嚟。」
採訪：李珮洳
攝影：陳志嵐