06年先過咗半過月，獅子行滙豐就喺中環總行舉辦首個工商業務見習行政人員嘅推廣日，吸引咗超過200名本地大學生嚟參加活動（圖）。滙豐總經理梁高美懿話，從大中華區未來10年經濟發展睇嚟，投身銀行業係理想嘅選擇，舉辦推廣日係畀學生認識工商業務範疇及日後發展嘅機會。滙豐舊年請咗30名工商業務見習行政人員，今年數目亦會差唔多。以獅子行近年表現，相信今年都會有唔少畢業生申請。
不過，要入大機構從來都唔易，投考獅子行嘅人須先通過滙豐網上的測試，及格嘅會進行第二次甄選，最後要接受一整日的工作能力評估。相信都何以當係體能測試。
一旦成功突圍嘅話，會接受長達26個月的培訓，包括去英國7個星期，跟唔同國家嘅見習行政人員接受訓練，更有機會同集團高層行政人員集團主席會面，聆聽寶貴意見。難得嘅機會唔止一個，唔怪得咁多人恨入獅子行啦！