馬仔家庭行先 - 李八方

  馬仔家庭行先 - 李八方

呢輪周街傳馬時亨做完呢屆就會離開政府,噚晚佢老哥又率領一眾財經事務局嘅官員,請記者去石澳鄉村俱樂部食烤羊自助餐,就被記者當口當面追問,局長就笑笑口話自己當初答應咗屋企人只做五年,所以做到○七收工好啱數,不過,明年重有羊食。
馬時亨星期日晚喺TVB十大勁歌金曲總選做頒獎嘉賓,頒亞太區最受歡迎男女歌手畀劉德華同埋陳慧琳,肥馬局長噚晚爆料,原來佢係俾人臨時拉伕,因為嗰日係佢細女二十一歲生日,個女要去睇show,佢呢個廿四孝老竇就一於奉陪,點知驚動TVB總經理陳志雲,二話不說就請佢上台頒獎嘉賓,重叫肥馬局長上台求其講吓亞太經濟當台詞就得。
馬局長咪大講特區政府促進經濟做咗幾多嘢,同政府賣晒告白,唔知煲呔會唔會回心轉意留吓佢。


爆料熱線:29290000、27860099
報料傳真:26239278
報料電郵:[email protected]

馬時亨請食羊,鄉村俱樂部送揮春,局長梗係要財源廣進。

馬局長請記者去石澳鄉村俱樂部食烤羊自助餐。