楊千嬅早前接受時尚雜誌訪問時表示為了事業，犧牲愛情感到寂寞都不後悔，所以特別珍惜今日的成就。千嬅又謂多年來最感動的，是認識了一班知心好友和得到fans的支持。
楊千嬅入行十年，近兩、三年可說是音樂事業的豐收期，在大大小小的頒獎禮都見她攞獎。
早前千嬅為時尚雜誌《Zip》新一期拍攝封面及專輯，穿上Libertine、Celine和Moschino等新裝，配搭deGrisogono珠寶首飾，演繹時尚、靜態的一面。
千嬅十年的音樂路上，最感動的事情是遇上許多好朋友，千嬅說：「林夕係個有heart嘅作詞人，佢畀我嘅不但係好歌詞，重有關心、愛護同扶持，試諗諗我哋之間根本冇血緣關係，佢能夠為一個artist咁樣付出，真係好難得！
好友忠告受用
「而阿Mark（雷頌德）一方面教曉我喺理想同現實之間攞個平衡點，另一方面，又畀我好真誠嘅忠告。至於Eason（陳奕迅）、Eric等幾個好友，都已經識咗好耐，我哋之間嘅感情係唔會因為時勢、處境變化而變質。」
千嬅又謂珍惜入行經過的所有第一次，為之感到快樂，皆因全部都得來不易，她說：「𠵱家嘅成就係我將愛情、感情都放低，先換取番嚟嘅，我唔後悔，不過寂寞。所以我更加珍惜身邊不離不棄嘅真心好友、長情fans，佢哋係我嘅精神支柱。」
學懂居安思危
雖然未有最滿意的電影，但千嬅在拍攝過程中學懂人生哲學，如拍新片《哀悼乳房》令她學懂居安思危。千嬅透露未來仍然樂於不斷嘗試新事物，她說：「想試嘅嘢好多，好多唔同嘅歌曲風格、電影角色，我都想試，重有舞台劇。入行十年，我從未做過舞台劇。」
撰文：DebbieLum