【本報訊】「1.14.死忌……再見啦咁多位朋友！！！！」執意與兩名摯友集體燒炭的姓馮女生，原來早於上周五已在網上日誌發表了兩篇「遺書」，並把死忌訂在「1.14」，透露各人原本打算在上周六尋死，惟未知因何把「死期」延後。
「1.13（死前最後一日），有咩比死更好？死係唯一可以解決的辦法！對唔住……」馮女在網誌上最後兩篇文章均與死有關，據悉部份網友已看過內容，甚至當面聽見馮女透露要死，但眾人卻不懂處理，又不敢向成年人求助，結果險釀慘劇。
非常渴望愛情
喜歡在網上抒發感受的馮女，經常以ICQ和友人通訊，她在個人資料裏報稱國籍是「沒有愛的天空」，居住街道是「愛你有錯嗎？」，顯示非常渴望愛情。
馮女以其偶像歌手周杰倫的歌曲《黑色毛衣》作人生最後輓歌，並對最愛的男生說：「原諒我啲咁幼稚行為，但我生存已經冇晒希望。」最少經歷過兩段感情的馮女，形容自己是「一個為咗愛情自殘咗好耐嘅白痴……只想搵一個真心愛我嘅男仔。」她又暗示希望愛人能為自己的死而着緊：「我死你唔會理我……但你會叫我唔好去死，已經夠晒啦……我（死後）會寫信畀你，記住嚟我嘅喪禮。」
馮女又向家人及朋友道歉：「媽咪爹哋、細佬、爺爺嫲嫲、公公婆婆，SORRY……唔可以再照顧你哋啦……所有FD（朋友）SORRY！希望我死後你哋可以記住我！」