蘭西上個禮拜講完中原集團主席施永青出新書《C觀點》，噚日就睇到本書嘅封面，個題都幾搞嘢㗎，就係非A非B的《C觀點》，本書𠵱家喺三聯、商務、OK便利店同機場可以買得到，街價每本六十八，中記員工只收五十。 今個禮拜四，施老闆會出席中原出版社及商務印書館聯手舉辦嘅論壇，之後若果出席嘉賓即場買書，老施會幫佢哋簽名。