薛凱琪（Fiona）前晚在上海出席雪碧榜頒獎禮領獎，見她在台下戴着口罩，說話輕聲而且慢吞吞，得獎後上台獻唱還要咪嘴，原來是她日前在家不慎跌倒，撞傷牙肉，Fiona說：「我跌落地嗰陣，好快咁用手擋住塊面，所以冇表面傷痕，但撞親牙肉，我媽咪即刻打畀舅父，而我就打畀助手求救。我都冇時間睇醫生，我諗最騎呢係我。」
Fiona表示之前在港出席兩個頒獎禮時都有小意外，她說：「我第一次喺內地得獎就要咪嘴，好失望。」
應血光之災
Fiona又謂蘇民峰曾批她有血光之災，結果真的應驗，她說：「本來我哋諗住可能係撞車，於是叫司機輕輕撞車諗住應咗佢，點知司機唔肯。」
採訪、攝影：曾小嘉