早個禮拜有政黨組織咗啲Benz去遊行抗議領匯（823）停車場租貴，華華笑佢哋班門弄斧，事關領匯資產總監沈溢華出身威信，係停車場專家。前日，終於喺樂富中心見到呢位專家，原來佢都係第一次出席領匯嘅公開活動。
話說領匯全力催谷旗下嘅商場，為農曆年零售旺季造勢。商場競爭咁激烈，當然要各出奇謀，領匯就請咗四個國寶級民間藝術家來港，包括剪紙嘅盧雪（中）、泥塑嘅趙恩民、布袋木偶嘅徐竹初同佢仔徐強，巡迴喺旗下幾個大場表演，都好配合過年氣氛。前日在樂富打頭炮，所以沈溢華都蒲頭，重請埋阿旺（圖左）嚟旺吓場。
講開領匯，今日開始，領匯就可以發輪，「孩子王」有乜動作，各位小股民要留意。