每年都請嚟名人、高官表演籌款嘅「樂韻悠揚表愛心」音樂會，前晚喺灣仔演藝學院舉行，今年有財爺媽打唐尤淑圻獻唱《魂縈舊夢》等嘅演出，賭王三太一家、告東尼太太Pauline都有去捧場。
今年受惠嘅團體係香港乳癌基金會，八方見到創辦人張淑儀醫生，佢同八方話基金會舊年六月成立，已經有二百個會員同義工。
張醫生重話，乳癌係香港女性嘅頭號殺手，每年病例超過二千宗，多過子宮癌，近十年不斷增加，但其實早發現可以有七成機會康復。佢覺得特區政府宣傳唔足夠，希望香港可以效法新加坡咁，及早推行乳癌普查計劃。
傳真︰2623-9278
電郵︰[email protected]