前綫噚日開周年會員大會，改選執委會。卿姐應該繼續冧莊做召集人，不過執委就變得好勁，原本一直做緊秘書長嘅陶君行（圖），今年就連執委都唔再選，連會都冇去開，做開司庫嘅蘇恒泰都係一樣，前綫遲啲就會再選召集人、秘書長同司庫。
八方噚日問陶君行，想了解多啲，佢同八方講，唔想就呢個問題講嘢喇。八方都記得，卿姐同陶君行不和嘅傳聞都傳咗好耐，因為佢哋都有幾多睇法唔同，唔知係咪呢個原因唔玩呢。
執委林森成話，噚日個會都冇乜特別嘢，都係傾吓明年區議會選舉點搞，總之希望搵啲有地區經驗、做過吓嘢嘅人選啦！林森成過去同民建聯陳鑑林，喺觀塘坪石區片過兩次，兩次都係差啲就贏，唔知佢會唔會再接再厲呢？
傳真︰2623-9278
電郵︰[email protected]