新鴻基地產為咗租戶可以喺大時大節賺盡啲，決定農曆新年假期，大部份商場延長開放時間至凌晨兩三點。
新地代理租務部副總經理鍾秀蓮叫租戶唔使擔心，延長營業時間，啲燈油火蠟由新地負責，重會搞活動助興。
將軍澳中心喺春節期間會搞個貴州民族節。
佢話，將軍澳中心商場舊年嘅租金收入比前年升咗三成，主要係租多咗地方同續租時加咗租，平均加咗百分之十五至二十，但有幾多收入就唔講，不過，舊年成個場嘅營業額接近三億。
至於今年，剩番嘅樓面應該可以租出，同時會有大約三成樓面約滿要續租，預計今年租金收入應該可以再增十五至二十個巴仙。
電郵地址：[email protected]