半年前女兒希兒呱呱墮地，二十七歲的梁先生嘗到初為人父的喜悅，無奈任職裝修散工的他不久便陷入失業困境，喜悅瞬即變成憂慮和壓力，令他彷徨不已。
「大人唔食真係冇所謂，但囡囡咁細個唔捱得餓，太太呢排身體唔多好，原本餵開人奶，但𠵱家都唔夠，囡囡唔夠飽，成日喺度喊。」梁先生懊惱地說。
抱着女兒希兒的梁太一臉愁容地說：「屋企冇錢買奶粉，所以日頭我就將啲爛飯撈少少湯畀囡囡食，夜晚先餵人奶，我都驚佢唔夠營養，佢個口生咗瘡瘡我又冇錢帶佢睇醫生。」二十七歲的梁太為內地人，現持雙程證留港照顧女兒。
基金撥款一萬元
梁先生在澳門出生，七歲來港生活，任職裝修工人十多年，多以散工形式工作，收入不穩，平均每月約有五千多元。惟半年前情況開始變得惡劣，一個月開工只有兩、三天，上月收入只有一千元，本月至今更未有工開，就連應付二千多元租金也成問題，莫說一家三口的生活費。
「我已經日日睇報紙搵工，暫時都係想搵番呢行，因為我冇其他工作經驗，不過一路都冇消息，我打算嚟緊會考番一個保安牌，可以多一條出路。」梁先生說。
梁先生表示，其父母均已六十多歲，要靠綜援金生活，他無力供養兩老已覺慚愧，因此沒將其困境告訴父母，以免兩老憂心。
有見梁先生一家困境，蘋果日報慈善基金即時撥款一萬元給他，暫解其燃眉之急。
捐款編號：C1908
服務熱線
電話：29908288
傳真：23702192
電郵：[email protected]