諗唔到今晚煮乜餸？最好就係行街市睇吓有乜新鮮靚魚買番去清蒸。蒸魚前記住將魚身抹乾，水要煮滾先好放魚入鍋蒸，半斤魚用大火蒸7分鐘左右，熄火後唔好即刻打開蓋住，等5分鐘左右焗一焗先打開蓋，咁樣魚蒸出嚟就會好滑。另外一個秘訣就係蒸之前喺魚下面墊葱同喺魚面搽一層油，咁會令條魚更加滑㗎！
