張露、姚莉、劉韻及潘秀瓊等昨日到港台為「金輝閃爍耀百年」節目錄影，早前有報道指杜德偉（Alex）由台灣返港後，由渣甸山千呎大屋搬到天后三百呎細屋，而且要借用母親張露的座駕。
花35萬裝修
昨日張露澄清杜德偉搬到天后居住是因為喜歡該地區，她說：「佢想住近啲我同佢哥哥，佢都花咗三十五萬裝修，經濟完全冇問題，佢之前拍劇儲埋好多錢呀，而且重成日畀錢我㗎。」張露又笑言不會催迫兩名兒子結婚，她笑說：「個大仔都拍咗咁多年拖啦，佢哋都應該打風都打唔甩，至於Alex都同我講𠵱家要好好享受一個人嘅生活，因為佢唔使擔心其他人。」
此外，節目主持人陳松伶坦言面對前輩歌手有壓力，又希望時下年輕歌手學習她們守時的習慣，陳松伶說：「我哋今日三點先開始錄影，但係成班前輩十點鐘已經嚟開聲預備，𠵱家啲歌手就遲到多，佢哋應該學吓班姐姐啦。」
採訪、攝影：李珮洳