來年係狗年，各大商場嘅賀年布置同新春活動，都離唔開以得意可愛嘅狗仔做主題，以鑽石山荷里活廣場為例，今年農曆新年商場嘅主角叫百變醒目狗，佢可愛嘅造型係出自著名藝術家水禾田嘅手筆，同時引入立體圖片動畫嘅概念，為全個裝飾加添動感趣味。 另外，為刺激消費，即日起去商場購物滿三百蚊，可換領日本珍珠紙印刷嘅狗年利是封一套。