五十八歲鼻咽癌康復者阿嫦，早前獲房屋署配屋，惟家境貧困的她，無力購買基本家電，遂透過香港社區組織協會社工向本報求助，她的需要經報道後，獲讀者送贈新煤氣熱水爐，近日另接獲讀者合共四千四百元捐款。
日前，記者把捐款轉交阿嫦簽收，她感激地說：「早排搬屋問朋友借咗啲錢重未有能力還，呢個時候收到讀者捐款真係好開心，我會先還番啲錢畀朋友，有剩嘅錢會用嚟睇中醫，我衷心祝福每位善長身體健康、生意興隆。」
善款幫補睇中醫
阿嫦歎道，目前病情雖已穩定，惟雙手常感痲痹乏力，醫生指原因可能是神經線壓着血管，又或是以前做電療的後遺症。「呢排睇過中醫敷藥後，對手舒服啲，但每次診金連醫藥起碼幾百蚊，花費好大，好彩𠵱家有呢筆捐款幫補，梗係好好多。」
九九年，阿嫦患上鼻咽癌，先後接受電療及化療，現已康復，仍須定期覆診。康復後，她曾從事清潔工作，自力更生，但近年雙眼不幸患白內障，被迫辭退工作，領取綜援金維生，僅足以應付基本伙食費。
獨居的阿嫦，不時到就近長者中心參加義工服務，希望善用餘閒，幫助他人，她喜孜孜地說：「喺我有困難時，得到社會人士買部電熱水爐同埋捐錢畀我，覺得好感動，所以好希望趁自己重有能力嘅時候幫番其他有需要嘅人，做多啲義工。」
捐款編號：C1756
服務熱線
電話：29908288
傳真：23702192
電郵：[email protected]