農曆新年好快到，八方又見到啲政黨周街幫市民寫揮春。除咗華叔嘅揮春外，阿牛曾健成畫嘅十二生肖水墨畫都幾有睇頭。
阿牛唔係淨係識得畫牛㗎，佢畫雞同畫狗都好神似，噚日就有唔少筲箕灣街坊特登排隊等阿牛畫狗，因為嚟緊就係狗年。
阿牛已經連續七年擺檔，幫街坊畫生肖水墨畫。佢話，民主發展步伐喺雞年停滯不前，雖然經濟有啲復甦，但打工仔嘅情況都冇乜改善，希望喺嚟緊嘅狗年，民主可以向前邁進，打工仔就人人有工做，自己就可以借畫畫，幫市民打打氣啦！
傳真︰2623-9278
電郵︰[email protected]