一個男仔有啲音樂天份，例如識彈吓結他打吓鼓，特別易吸引女仔注意。咁究竟彈結他同打鼓當中，邊樣煞食啲，真係見仁見智，但國泰行政總裁陳南祿太太，就肯定情迷結他手多啲。
陳南祿接受商台節目《有誰共鳴》訪問講到，自己當年夾band時，曾經喺一個學校演奏會上，同𠵱家嘅太太邂逅。幾年後同太太重遇，講吓講吓先知，原來太太只係記得結他手係乜樣；對於當年做鼓手嘅自己，就一啲印象都冇，好可憐。
為咗贏得美人歸，陳南祿就專登轉去苦練結他，當然，皇天不負有心人，最終梗係俾佢搞掂，𠵱家兩公婆不知幾恩愛。佢重喺節目入面，點咗首Queen嘅《Iwasborntoloveyou》畀太太聽，陳太聽到一定冧死。
傳真︰2623-9278
電郵︰[email protected]