台灣第一名模林志玲帶動咪咪谷起來的熱潮，她讓平平無奇的胸部幻化成湯碗胸，非常神奇！其實除了林志玲外，一眾女星包括張栢芝、梁詠琪（GiGi），甚至A級平胸族蔡卓妍（阿Sa），亦能靠谷胸製造出變幻球奇景。擁有32B上圍的性感女星黃榕便來個越cup大挑戰，親自示範谷咪咪秘技，前後花了約五分鐘時間僭建，即時跳升兩cup，搖身變成32D大胸女郎。
擁有32B上圍的黃榕經過特別「加工」程序後，咪咪最少跳升兩cup，在僭建過程中，雖然她不停大喊呼吸困難，但驚見咪咪變大後，又覺得很自豪，連忙以手機拍照留念。
「着衫係靚啲」
一向以性感示人的黃榕揚言每次均以真材實料上陣，從未試過越cup挑戰，但有時閱報看雜誌，見到很多女星胸部再發育，也不禁嘖嘖稱奇。日前她就親身示範將咪咪谷起來，所選用的方法是用膠紙封胸底，把咪咪往上、往前推，再戴上神奇胸圍，咪咪即被托起，連她也對豐胸效果嘩嘩聲。
升cup後的黃榕說：「我一向都唔識點樣整到個胸大啲，最多用吓厚pad，都會做到大啲嘅效果，嘩！呢次好滿意呀，從未試過咁大，起碼大咗兩個cup啦，好犀利！」
對於林志玲成功把谷咪咪演變成圈中潮流，黃榕說：「其實我都有少少好奇，但又覺得整得好靚，有啲女星可以將個胸美化成湯碗，着衫又係靚啲嘅。我今次試過都覺得幾好玩，影相可以，搞到咁出席活動就唔好啦，因為唞唔到氣，太長時間會好辛苦，平日亦唔需要整到咁強勁，所以我連矯形內衣都冇着過。」
「勁吓幾開心」
問黃榕會否渴望做大胸女郎？她哈哈笑說：「又唔想喎，鍾意適中，偶然勁吓都幾開心，我對自己嘅身材都好滿意，𠵱家又肥番啲，有番啲肉，我都係鍾意自然同舒服。」
撰文：朱倬誼
攝影：林德雄
化妝、髮型：小白 服裝：Bella
場地：Diamondworkshop
示範：黃榕
