應采兒、林海峰、盧巧音與男友EricSo等前晚在尖沙嘴出席波鞋活動，應采兒特別穿新波鞋亮相，心口又掛着小童波鞋的她說：「呢隻波鞋係為未來我個女買嘅，不過最快都要等七、八年先有機會。我好鍾意儲迷你嘢。」
寧願地下情
有報道指應采兒在冬至前與緋聞男友孫耀威撐枱腳，應采兒對此說：「嗰日我拍《BB計劃》，全日都開工，冇去到。」問是否受到公司壓力被迫發展地下情，應采兒避而不談，後來卻說：「公開拍拖好似同全香港人拍拖咁，自己嘅事，點講、點寫人哋都唔會清楚，好似伊健同梁詠琪咁，公開咗傷害佢哋，佢哋好有勇氣去面對，畀我實喊咗出嚟。」應采兒又謂結婚才會公開。
此外，盧巧音被要求與男友EricSo合照，其男友聞言即走，留下一臉尷尬的盧巧音，幾經要求下，Eric才願意合照。
採訪、攝影：藍文浩