廖碧兒與吳卓羲前晚應邀擔任「東華三院慈善之夜」晚會表演嘉賓，談到有雜誌指「TVB蛋散」羅天池向她大獻殷勤，廖碧兒澄清謂兩人是訓練班同學，不過談到緋聞男友陳豪看罷兩人的偷拍照後發脾氣，廖碧兒只冷淡道：「你哋自己問番佢啦！」
東華三院前晚於中環四季酒店舉行慈善之夜晚會，由快將任新郎的吳家樂與陳芷菁擔任司儀，廖碧兒與吳卓羲則獻唱助興，特首曾蔭權伉儷亦應邀出席。廖碧兒與吳卓羲於晚上十時許獻唱時，曾蔭權夫婦即動身離開，令兩位表演嘉賓大歎可惜，廖碧兒無奈地說：「冇辦法啦，我拍完廣告已經即時趕嚟，希望下次有機會再表演畀特首睇啦！」
「唔可以咁講人」
談到早前有雜誌報道指無綫藝員羅天池向廖碧兒大獻殷勤，為她拿着一袋二袋，該報道更以「TVB蛋散」來形容羅天池。前晚廖碧兒被問到此事時，即問記者「蛋散」是甚麼意思；待聽完記者解釋，知有貶意後，她即說：「唔可以咁講人，我同佢識咗好耐，係朋友囉，我哋係同期訓練班學員，嗰日係喺公司canteen開完一月星辰生日會，之後我要入廠開工。我當時拎住好多嘢，佢幫我手拎啫。」
提到該雜誌更將兩人之偷拍照拿給廖碧兒的緋聞男友陳豪看，還指陳豪看罷發脾氣，廖碧兒對此反應十分冷淡，她說：「我唔知呢件事，唔知佢有冇唔開心，你哋自己問番佢啦。」
馬浚偉發律師信
馬浚偉前晚亦有出席晚會，他透露現正忙於拍劇，由於工作進度比預期慢，故未能在農曆新年登台搵真銀。問到有雜誌指他投資的出版社結業，又指其下屬批評他很難服侍，馬浚偉說：「我會發律師信畀佢哋，呢次亦係我入行以嚟第一次發律師信，因為佢哋咁樣亂寫，會對我嘅名譽同經濟都有影響。」
採訪:林妙萍 攝影:何國豪
